| Peb caug Hmoob nyob Fresno, Ib xyoo yeej txawv lawm ntau. Xyoo 2005 no, kuv tau pom ntau khub niam txiv los sis nkauj nraug niam ua kev nraim tuaj nquam toj nquam pes Cas yuav zoo kuv me nplooj siab ua luaj, kuv twb yuav luag quaj ... Koj niam ntsia kuv es kuv niam ntsia koj Tsis paub seb koj puas paub kuv .. ces kuv puas paub koj Koj niam tig lis yeej rau sab xis los kuv niam pom koj zoo npaum li qub Kuv niam tig lis ziag rau sab laug los koj niam pom kuv zoo npaum li tshiab Hnab nyiaj ces daim ntawm ntsag Hnab kub ces daim ntawm dua Seev los seev tsis nrov lub suab hu koj ... es twb tsaus ntuj lawm tiag ... 7 hnub 7 hmo los yeej tsis txaus rau koj thiab kuv tuaj sib tuaj tes ncig thoob lub fair ground no ... Tej co ces tsis muaj tus hlub coj tuaj ... ces tuaj soj cov me hluas nkauj los sis laus nkauj tshiab ... Tej co ces muaj tus hlub ces niam coj yus tus hlub tuaj fiav cev yuj yeev, luag ntxhawv nxhi ... zaum pes zaws ntawv tej niam qhov rooj ... Zoo los zoo nkauj, zoo los zoo nraug ... tej khub tsis nco qab menyuam tag ... Ab, kheev lam kuv tseem hluas mas, ntshe kuv yuav ntiv su zias mus nrog kuv tus hlub mus pov pob lawm thiab ...es sawv sib tuav tes vuj vias txawm tsw zaub tsw mov npaum li cas los .. uv kom dhau ne Thaum tsauj ntuj lawm tiag kuv mam li rov mus tsev, mus ua npaum suav toog txog cov me ntsej muag zoo nkauj zoo nraug rhib, cov niam nkauj ntsuab uas txaij tsheej plas ... Tej zaum cov ziag npib yuav nrov ntawm ntsej mus lawm ntau niaj ntau hli es thiaj ntseg ne Hmoob lub peb caug yog txoj kev sib hlub rau tej niam txiv los sis nkauj nraug ... Nco ntsoov koj nej tus tuaj nawb thiaj zoo siab ua neeg ib zaug. Txhob txaj muag nawb Ua neeg ib zaug xwb, qhov zoo siab yuav tau ua ... Tuaj sib puag sib tuav tes cuag li thawj zaug uas koj ntsib kuv es kuv ntsib koj ... koj nyiam kuv es kuv nyiam koj ... thiaj li phim tej me tsoos tsho, phim lub npe sib lub no .. Cov xav tsis txog thiaj txaj muag ... Hos cov xav txog ces yeej lom zem heev li lawm ... Peb cov neeg laus ces yog cov paub hais tias ua neeg ib zaug xwb, yeej muaj cai rov sib hlub ob peb zaug ... Thau tsoos tsho tuaj sib hlub ntsa iab rau ntiaj teb saib, ci qhov muag zis kom sawv daws pom, seb sawv daws puas thim xav Ab zoo li cov hluas tseem txaj muag tshaj zoo luag los sis zoo thuam ne ... Ntshe qhuas zoo dua vob? |
 |
 |
 |
 |
 |
 |
| CONTENTS Discussing: Contemporary Issues Challenging: Women Issues Reading: Research Article Learning: History Guessing: Proverbs & Riddles Studying: Literature Visiting: Photo Gallery Admiring: Art Gallery Listening to: Hmong Radios Enjoying: Tales for Children Taking: Courses of Cult & Language |
 |
| Trilingual Website Français English Hmoob Index/Themes Index/Year |
| Fresno Hmong New Year 2005 Couples see Photo Gallery, click here |
| Professional Background Hobbies Consultation Service Rules Website Spirit Copyrights 2003 to Kao-Ly Yang All rights reserved Kao-Ly Yang's Collection of Pictures of Hmong People |