| 2000/06/20 ZajLaug thov: Nkauj Hli nis Nkauj Hli, Koj lub siab zoo phim koj lub cev, Kuv thiaj xav tau koj ua kuv sev, Koj lub cev zoo phim koj lo lus, Kuv thiaj xav tau koj ua kuv tus. Kuv pom koj zoo ntxim siab, Kuv xav hlub koj mus ib txhiab, Kuv pom koj zoo ntxim plawv, Kuv xav hlub koj kom kawg. Kheev lam wb txoj hmoov los sib raug, Ntshe kuv yov zoo siab hlo los ua koj vauv, Yog tias wb txoj hmoov los sib chab, Koj puas yov zoo siab hlo los ua kuv nyab? Yog tias tiam no kuv tsis tau koj, Ntshe kuv yov qaug lub zog mus ua noj, Yog tias tiam no kuv tsis tau koj li siab xav, Ntshe kuv yov qaug lub zog mus ua hnav. |
| 2000/06/25 ZajLaug hais kho siab khuav: Nkauj Hli nis Nkauj Hli, Cas Kuv ntsib koj nyob hauv Internet, Koj zoo li ib tus ntxhais ntxim ua kev sev, Koj lub suab lus mos nyoos xws suab Hmoob yaj sab,Ua rau kuv nco txog lub neej Hmoob yav ntuj qub qab. Kuv thiaj xav nrog koj txuas lus, Nug seb koj puas tau muaj tus, Koj teb ua nriav lus tias tsis tau muaj, Kuv ua ntuj tsaug tias kuv hmoov tseem muaj. Kuv nrog koj tham tsis tau ntau hnub, Kuv twb xav cog lus ua koj tus hlub, Kuv xav muab lub paj ntshua nplaim rau koj, Qhia koj tias kuv yuav hlub koj tsis ploj. Koj hais tias koj tsis yog neeg teb chaws no, Cia wb txhob hlub ua chaw nco, Koj hais tias tus hlub koj tsis xav muaj, Cia wb txhob hlub ua chaw tshua. Kuv tias cia kuv ua nraug nyob koj nruab plawv, Txog hnub koj los nyob koom teb koom chaw, Wb mam li sib sau ua ib yim, Nyob sib hlub mus ib txhid! |
| 2000/06/23 Nkauj Hli xav tu siab zis: Zajlaug os ZajLaug, Kuv lub siab tsis zoo phim kuv lub cev, Kuv zoo ntawd nruab siab los yuav tsis zoo ntawd daim sev Kuv lub cev los tsis zoo phim kuv lo lus, Yuav ua cas koj thiaj yuav kuv mus. Koj lam hais ntawm ncauj kom zoo nkauj xwb Vim nyob ntawm muag koj twb tsis luag li Koj lam tham ntawd plawv koj zoo lawv tiag Vim nyob ntawv ntseg koj twb tseg ntag Yog koj hais tiag ces ntshe twb kwv lub kaus vej Tuaj mus nqis tsev thov Yog koj hais ntxi ces ntshe twb kwv lub kaus vuas Tuaj mus nqis tsev pe Tav no tsis pom koj tuaj Ces yuav yog dhau zaj xyoo es zaj tsis quaj lawm Tav no tsis pom koj tshwm Ces yuav yog dhau zaj hnub es zaj nyob twj ywm tiag. Zajlaug thiab niam Nkauj Hli nkawv Hais tag li no xwb Ciam lwm niaj lwm xyoo seb niam Nkauj Hli puas muaj hmoo rov mus txog txiv nraug Zajlaug teb chaw ntuj kawg ntua tuaj teb nkawg nkaus Yog me paj zeb txawj tawg Ces mas tawg dhuj dheev seev cev zuj zis tuaj qhia nej mog End ,,, Fin |
| NTSIAB LUS Nthuav: Teeb Meem Ua Neej Ntsuas: Poj Niam Siab Ntsws Twm: Ntawv Tshawb Nrhiav Khaws: Liv Xwm & Puav pheej Twv: Txhiaj Txhais Seev: Zaj nkauj & Kwv Txhiaj Saib: Duab Thaij Ntsia: Duab Teeb Mloog: Xov Tooj Cua Hmoob Piav: Dab Neeg Rau Menyuam Kawm: Ntawm & Txuj Ci Hmoob |
 |
| Paj huam Poésie Poetry: a Dragon & a Flower introduction page1 page2 page3 page4 page5 |
| Trilingual Website Français English Hmoob Ntawv/Tswv Yim Ntawv/Xyoo |
| Kuv Kev Ua Hauj Lwm Kuv Kev Ua Si Thov Kev Pab Kev Cai Tswv Yim Tsim Lub VevXaij Cov ntawv no yog Nkauj Hli Yaj (Kao-Ly Yang) tug tsim txij xyoo 2002 los, los sis yog nws yog tus tswj kav Tsis pub sim muag noj muag haus. Yog yuav siv cov ntawv, cov duab los sis lwm yam, yuav tsum thov nws tso cai ua ntej |