| Trilingual Website Français English Hmoob Ntawv/Tswv Yim Ntawv/Xyoo |
| NTSIAB LUS Nthuav: Teeb Meem Ua Neej Ntsuas: Poj Niam Siab Ntsws Twm: Ntawv Tshawb Nrhiav Khaws: Liv Xwm & Puav pheej Twv: Txhiaj Txhais Seev: Zaj nkauj & Kwv Txhiaj Saib: Duab Thaij Ntsia: Duab Teeb Mloog: Xov Tooj Cua Hmoob Piav: Dab Neeg Rau Menyuam Kawm: Ntawm & Txuj Ci Hmoob Nrhiav neeg sau: ZajLus, PajHuam, ... |
 |
| Thov Kev Pab Kev Cai Tswv Yim Tsim Lub VevXaij Cov ntawv no yog Nkauj Hli Yaj (Kao-Ly Yang) tug tsim txij xyoo 2002 los, los sis yog nws yog tus tswj kav Tsis pub sim muag noj muag haus. Yog yuav siv cov ntawv, cov duab los sis lwm yam, yuav tsum thov nws tso cai ua ntej |
| TEEB MEEM UA NEEJ LajZim thiab MasLias Txoj Kev Sib Hlub Hauv Nruab Siab. Tus sau: Malie SIONG Ib tsoom viv ncaus thiaj tsoom nus, kuv xav hais rau nej paub hais tias txoj kev hlub yog ib yam ua rau neeg mob siab tshaj plaws, yog yus tsis ntsib ces ntshe yeej yuav tsis paub li. Tsis tag li ntawd, tseem ua rau tej laus sib ntxub thiab. Tej no tsis yooj yim hais tawm. Thaum nej twm tas kuv zaj dab neeg no, thov kom yav tom ntej, peb haiv hmoob zam rau cov hluas nkauj hluas nraug sib hlub heev txawm ib tug muaj hos ib tug pluag. Li no, lawv thiaj li tsis ua lub neej nrog ib nplooj siab xav ntsoos txog kev hlub yav ntuj qub qab. Kuv zaj dab neeg no pib thaum kuv tau ntsib LajZim, ib tug tus hluas. Wb yeej sib paub thaum yau los lawm, tab sis tsis xav txog hais tias yuav muaj hnub no. Nws tau qhib nws lub siab rau kuv ces kuv txoj kev hlub tau loj hlob li tsob ntoo tuaj. Wb tau ua nkauj ua nraug los tau plaub lub xyoo. Yeej npaj siab hais tias yuav sib sau los nyob ua kev. Tab sis, vim nws yog neeg txom nyem, kuv niam kuv txiv thiaj li txwv wb txoj kev hlub, tsis pub wb los nyob ua ke. Nkawv hais rau kuv hais tias yog hnub twg kuv tsis mloog nkawv hais --thiab yog kuv khiav mus yuav nws-- ces kom kuv mus kuv tsis txhob tuaj hu nkawv ua niam thiab txiv lawm. Ua li cas tej lus no yuav mob kuv lub siab ua luaj, xav zaj twg los yeej tsis yog. Kuv ib txwm tsis tau tawv dhau kuv niam thiaj kuv txiv li. Kuv yeej ua tsis tau ib zaug. Kuv thiaj li mus nrog nws tham saib yuav ua li cas thiaj li yuav zoo. Tab sis, nws twb tsis qhuav ntsej txog li, ua rau kuv mob kuv lub siab heev xwb. Kuv yeej xav mus xav los, kuv thiaj li txiav txim siab kom kuv niam muaj kuv xa mus Fab Kis teb. Thaum LajZim paub hais tias kuv txiav txim siab ncaim nws mus, nws mam li mob siab ceev ceev. Nws thiaj li tuaj thov kuv kom kuv nrog nws nyob es tsis txhob mus. Kuv yeej tsis kam li. Nws thiaj li tau txhos caug thov kiag, ua rau mob kuv lub siab tsaj plaws. Kuv yeej ntsia tsis tau nws thov kuv li, tab sis kuv twb tau cog lus rau kuv niam lawm hais tias kuv yuav tsis tig rov qab los. Kuv thiaj li tau mus tsis tig rov qav los ntsia nws. Kuv paub hais tias LajZim hlub kuv heev li, nyob hauv lub qab ntuj no, kuv yeej nrhiav tsis tau ib tug neeg zoo li nws lawm. Hnub kuv yuav sawv kev mus, nws tau tuaj xyuas kuv. LajZim tau hais rau kuv hais tias kom kuv mus zoo, thiab tsis txoj tig rov qab los. Kuv teb nws tias kom nws nyob zoo, thiab kom nws tsis txhob nco txog kuv lawm. Sib ntsias sib ntsias, kuv lam nug nws seb nws puas nco txoj lub sij hawm wb tseem me uas wb tau hais cov lus no tseg: "Yog muaj ib hnub twg wb tsis sib tau ces kuv mam li mus nrhiav kom tau ib tug hlub tib lub xeem li koj, los koj los kom nrhiav tau ib tug ntxhais tib lub xeem li kuv thiab". Kuv lub kua muag yeej poob zom zaws lub sij hawm ntawd. Kuv xav twj ywm hais tias ntshe yuav nco ntsoov nws mus kom tag tiam no. Wb thiaj li tau sib ncaim, nyias mus nyias. Txij li hnub ntawd los, wb txoj kev hlub thiaj li tau tu mus. Kuv tuaj txog FabKis tej tau ib vas thiv xwb kuv tau tuaj ntsib ib tug phooj ywg. Nws ua rau kuv kaj siab lawm ntau, zoo li kuv cia li tsis nco txog LajZim. Kuv rov qab muaj txoj kev zoo siab li yav tag dhau los. Thaum LajZim hnov hais tias kuv muaj dua tus tshiab lawm, nws mog siab thiaj nco kuv heev li. Nws ntaus xov tooj tuaj hais tias nws tsis xav ua neeg nyob lawm, cia nws tuag mus ua dab es mam rov qav los coj kuv mus rov nws nyob, qhov no ua rau kuv mob siab thiaj ntshai. Kuv lam mus nrhiav dua ib lub neej tshiab kom tseg nws xwb, tab sis kuv xav tsis txog hais tias yuav ua rau wb txom nyem siab npaum li no. Tau peb vas thiv tom qab xwb, ua cas nws twb mus muaj dua ib tug hluas nkauj tshiab lawm. Kuv xav tsis tag, tsuas nrog nws zoo siab. Tej zaum nws twb tsis nco txog kuv lawm, ho mob kuv lub siab ua luaj. Li no, kuv thiaj li txiav txim siab khiav mus yuav txiv kom tso tau nws cia. Ua li cas kuv tsis ua tib zoo xav ua ntej tso, kuv tseem mus yuav tau lawv ib co hmoob vaj xwb. Zoo li hmoov yuav phem tiag. Thaum ntawd, LajZim tsev neeg ntxub ntxub kuv tsev neeg thiab kuv tus txiv tsev neeg. Lawv thiaj li tsis kam pab lawv cov kwv tij hmoob vaj ntawd ua tshoob, ua rau kuv niam pog tsis kam mus ua wb lub tshoob li. Tom qab, niam pog ho tau hloov siab tsos wb mus ua wb lub tshoob nyob NkwsYas. Kuv rov qab mus txog kuv lub zos uas tau hloov lawm ntau. Kuv rov pom LajZim uas kuj tsis zoo li qub lawm thiab: zoo li siab kaj thiab rog rog tuaj lawm, ua rau kuv cim yuav luag tsis tau nws. Txawm hais tias wb nyias ua nyias neej lawm los hauv wb ob lub siab tseem sib sib nco, nws yog kuv thawj tug hlub. Thaum peb ua tshoob tag ces wb thiaj li tau rov qab los tsev lawm. Ua ib siab tseg tej kev hluas nyob qub qab. ROV MUS SAUD Copyrights 2007 Malie Siong Tous droits réservés. |
| TOPICS OF 2007 January Tseem tsis tau hlub tag Un amour inachevé An Unfinished Love Tus poj niam txiav plaub hau uas kho kho siab La coiffeuse langoureuse The languorous Hairdresser February 3 lub kub toj xub kev sib daj sib deev Les trois perles faisant face à l'infidélité The 3 Pearls Facing Unfaithfulness June Vim li cas NaisPhoo Vaj Pov raug mus nkuaj thiab Hmoob sawv pab thuab? Comprendre le projet politique General Vang Pao et les réaction de la community hmong Understanding Former General Vang Pao's Scheme and Hmong Community Reactions July: Guest Writer: Malie Siong LajZim thiab MasLias Txoj Kev Sib Hlub Hauv Nruab Siab L'amour secret de Lazi et Malia The Secret Love of Lazee and Malia September Guest Writer: Judy Yang Txoj kev yeej ntev, tabsis peb yeej taug mus txog Asmeslivkas teb La voyage fut long, mais nous sommes quand nous sommes enfin en Amérique The journey seemed long, but we made it to America. Guest Writer: May Zoua Hang Dab Neeg Qhia Lub Hauv Paus Pib Ua Neeb Thiab Kev Siv Tsiaj Thiab Cuaj Yeej Ua Neeb Mythe d e l'origine du chamanisme hmong et les usages du sacrifice des animaux et les fonctions des instruments du chaman Myth of the Origin of Hmong Shamanism and Healing Uses of Animals for Sacrifice and Functions of Shaman's Tools December Part I: Nws tus hluas nkauj raug deev Le coeur trompé The Heart Is Hurt. Part II Tus txiv neej uas xav tau ib tug tub L'homme qui désire un fils The man who desires a son Ib tug poj ntsuam muaj 60 xyoo tus nqi taub hau. The prix de fiancée d'une veuve de 60 ans. The Bride Price of a 60-Year Old Widow. |